හිටපු ආරක්‍ෂක ලේකම් ගෝටාභය රාජපක්‍ෂ මහතා අත්අඩංගුවට ගෙන රක්‍ෂිත බන්ධනාගාර ගත කිරීමේ සැලැස්මක් ඇති බව මවුබිම වෙනුවෙන් රණවිරුවෝ සංවිධානය පවසයි.

එහි කැදවුම්කරු මේජර් අජිත් ප‍්‍රසන්න මහතා මාධ්‍ය හමුවක් අමතමින් මේ බව කියා සිටියේය.

මෑතකදී සම්මත කරන ලද අධිකරණ සංවිධාන සංශෝධන පනත් කෙටුම්පත අනුව ඉතා නුදුරේදීම ගෝටාභය රාජපක්‍ෂ අත්අඩංගුවට ගෙන සති හතරක් ඇතුලත නඩුව අසා දෙන තීන්දුව අනුව ගෝටාභය වැලිකඩ හෝ බෝගම්බර හිරගෙදර දැමීම සිදුවනු ඇතැයිද ඔහු පැවසීය.

ත‍්‍රිපුද්ගල මහාධිකරණයකින් නඩුව ඇසු නිසා ඇප නොලැබෙන බවත් ශේෂ්ඨාධිකරණයේ ඇප ඉල්ලූවද එය ලයිස්තුවට ඒමට පමණක් වසර එකහමාරක් ගතවන බවත් ඒ වන විට 2020 ජනාධිපතිවරණය අවසන් වී තිබෙන බවත් ඔහු සදහන් කලේය.

එවන් තත්වයකදී ඒකාබද්ද විපක්‍ෂයෙන්ද ගෝටාභය රාජපක්‍ෂ මහතාට නාම යෝජනා නොලැබෙනු ඇතැයිද ඔහු වැඩි දුරටත් එහිදී පැවසීය.

SHARE